Mrekullia françeze

Finalja para finales, përfundoi në favor të françezëve. Në pjesën e parë të ndeshjes, Spanja luante me Francën, sikurse një matador me demin, pasi çerekun e  parë e pëfundoi me 14 pikë epërsi.

Në pjesën e dytë të lojës, në parket ishte një Francë plotësisht tjetër. Mbrojtja e tyre ishte rikthyer, ku në katër minutat e para të çerekut të tretë Spanja arriti të shënoi vetëm një pikë.

Kështu me shkëlqimin e Tony Parkerit, gjelat së pari e barazuan rezultatin për ta dërguar ndeshjen në vazhdime, e më pas arritën edhe ta mposhtin kamponen aktuale të Eurobasketit me rezultat 75-73.

Tony Parker i San Antonios, pothuajse luajti vetë kundër spanjollëve dhe shkëlqeu me 32 pikë e 6 kërcimeve, kurse në anën tjetër, më i miri te spanjollët ishte Marc Gasol me 19 pikë të shënuara.

Franca në finale do të përballet me Lituaninë, ndërsa Spanja do të luftojnë me Kroacinë për medaljen e bronztë, me 22 shtator.