CHELSEA - LEICESTER
S’preken rrjetat në ‘Stamford Bridge’
13 January, 2018 @17:53
Pa fitues u mbyll dueli mes dy kampionëve të fundit të Premier Leagues, Chelseat e Leicester Cityt.
Si në posedim të topit, ashtu edhe në rastet e krijuara, Leicesteri ishte skuadër më e mirë se Chelsea deri në minutën e 68’ të ndeshjes, minutë në të cilën Chilwell u përjashtua nga loja pas dy kartonëve të verdhë, duke ndikuar në rënien e lojës së mysafirëve. Në minutat e mbetur Chelsea e kërkoi golin e fitores, mirëpo goli nuk erdhi për asnjë moment dhe ndeshja u mbyll me rezultat të bardhë.
Ky barazim bën që Chelsea ta bëjë një hap prapa në luftën për vendin e dytë, kurse Leicesteri mbetet në vendin e tetë në tabelë.
