SUPERLIGA
Superliga zyrtarisht pa Kastriotin
1 October, 2015 @16:58
Skuadra e Kastriotit nuk do të përfshihet në edicionin 2015/16 të Superligës.
Ekipi nga Ferizaji sot ka njoftuar Federatën e Basketbollit të Kosovës se është tërhequr nga Superliga, për shkak të mungesës së mjeteve financiare.
Në njoftimin e FBK-së, thuhet se nuk do të ketë ndryshim të sistemit dhe kalendarit të garave për edicionin 2015/16 dhe Superliga do të fillojë këtë fundjavë, siç edhe ishte parashikuar më parë.
Skuadra e Kastriotit kishte përfunduar në pozitën e fundit të radhitjes tabelare, por pas dënimit të Besës dhe përjashtimit nga Superliga, ferizajasit kishin arritur mbijetesën me anë të Play Outit duke e mposhtur skuadrën Newborn.
