Tasholli kthen Ulpianën te fitoret, ruajnë kreun

Ulpiana ka shënuar fitore minimale por shumë të rëndësishme në ndeshjen hapëse të xhiros së nëntë të Ligës së Parë Grupi B.

Futbollistët e drejtuar nga Emin Bajrami kanë mposhtur sot Ramiz Sadikun me rezultat 1-0, ndërsa golin vendimtar në ndeshje e shënoi Liron Tasholli (23’), i cili u asistua nga Almedin Murati, për t’ia sjellë fitoren e gjashtë kampionale lipjanasve.

TABELA AKTUALE

Me këtë fitore Ulpiana ka siguruar kreun së paku edhe për një xhiro tjetër, ndërsa në anën tjetër Ramiz Sadiku ka pësuar humbjen e katërt sezonale, derisa prishtinasit në dy xhirot e fundit nuk kanë shënuar fitore.

Në xhiron e dhjetë, Ulpiana pret Vjosën, ndërsa Ramiz Sadiku luan derbin lokal ndaj 2 Korrikut në cilësi të mysafirit.