Peja, pa fat!

Një pasim i gabuar, i amerikanit George Odufuwa, pas kërcimit në mbrojtje, sipas statistikave nga ndeshja në Tivat (pasi që nuk kishte transmetim të drejtpërdrejtë të ndeshjes), 6 sekonda pa përfunduar takimi, ka qenë fatal për Pejën që ishte shumë afër fitores sonte në Palestrën Zupa të Tivatit. 

Këtë gabim të tij më së miri e shfrytëzoi Pekic, që qëlloi treshen dhe përcaktoi rezultatin përfundimtar të ndeshjes 82-79 në të mirë të malaziasve. 

Kështu, Teodo vazhdoi me formën e mirë të saj duke shënuar fitoren e radhës dhe duke u ngritur edhe më në tabelë, derisa Peja tani do të ketë punë kolosale për të zënë një vend që çon në Play-Off. 

Çereku i parë i ndeshjes përkundër se ishte në fillim i nivelizuar, vendasit kanë arritur që të dalin me nëntë pikë në epërsi në fund të saj. 

Pastaj kjo lojë e mirë e Teodos vazhdoi edhe në fillim të çerekut të dytë kur arritën epërsinë maksimale në ndeshje prej 14 pikësh. Sidoqoftë, Peja i konsolodoi radhët dhe arriti të zbus epërsinë e përgjithshme në 7 pikë në fund të pjesës së parë të ndeshjes. 

Më pas, ndeshja vazhdoi në ritëm të tillë edhe në çerekun e tretë me ngritje-rënie që çuan në dhjetëminutësh deri diku të barabartë. 

E ndeshja u nxe tërësisht në çerekun e fundit, kur Peja kaloi në epërsi. Kampionja e Kosovës prej minus tetë doli në plus katër e për të rënë përsëri në disavantazh. Në sekondat e fundit të ndeshjes Peja ishte në avantazh derisa Teodo barazoi nga gjuajtjet e lira, e topin e fundit e gaboi në pasim George Odufuwa që çoi në treshe të Pekicit - që nxorri lojën për malaziasit. 

Samir Shaptahovic që nuk pushoi për asnjë sekond në ndeshje ka qenë fenomenal me double-double prej 22 pikëve dhe 13 asistimeve, derisa 22 pikë tjera i shënoi edhe Fred House, shto kësa edhe 8 kërcime. Odufuëa përkundër pasimit të gabuar në fund, ka qenë jashtëzakonisht i dobishëm duke arritur 12 kërcime e 8 pikë në humbje. 

Te ekipi fitues si zakonisht u dalluan ujqit e vjetër Savo Djikanovic që nuk pushoi fare gjatë ndeshjes dhe shënoi 16  pikë e 9 kërimce, bashkë me Nikola Vucurovicin që me 10 pikë e 9 kërcime ishte koshashënuesi më i mirë i ekipit vendas. 

Rezultatet dhe tabela aktuale.

Statistikat ekipore

	TEODO	PEJA
Çereku i parë	25	16
Çereku i dytë	22	24
Çereku i tretë	19	18
Çereku i katërt	16	21
Kërcime në mbrojtje	21	18
Kërcime në sulm	9	16
Gjithsej kërcime	30	34
Asistime	15	13
Bllokada	2	2
Topa të vjedhur	3	12
Topa të humbur	16	8
Tentime për tre pikë	8/23	6/25
Tentime nga loja	26/51	29/67
Tentime nga gjuajtjet e lira	22/30	15/21

Statistikat individuale te Teodo

1	Nikola Vucurovic	20 pikë	9 kërcime	3 asistime
2	Savo Djikanovic	16 pikë	9 kërcime	2 asistime
3	Radomir Pekic	14 pikë	2 kërcime	1 asistim
4	Manuel Johnson	12 pikë	2 asistime	1 kërcime
5	Nikola Korac	9 pikë	3 asistime	1 kërcim
6	Srdjan Subotic	7 pikë	2 kërcime	2 asistime
7	Milijan Bocka	4 pikë	6 kërcime	2 asistime

Statistikat individuale te Peja

1	Fred House	22 pikë	8 kërcime	1 bllokadë
2	Samir Shaptahovic	22 pikë	13 asistime	2 kërcime
3	Gerti Shima	16 pikë	5 kërcime
4	George Odufuwa	8 pikë	12 kërcime
5	Teo Simovic	8 pikë	5 kërcime
6	Rron Grapci	3 pikë	1 kërcim