T’ia nisim vitit me fitore

Bashkimi sonte pret Lovçenin në ndeshjen e parë të vitit në kuadër të BIBL, ndërsa basketbollisti prishtinas i ekipit prizrenas, Granit Rugova, ka thënë se ekipi do të luajë për fitore. 

“Nuk kemi shumë njohuri lidhur me ndryshimet që mund t’i ketë bërë ekipi rival, mirëpo do të mundohemi maksimalisht që të japim më të mirën tonë për të fituar këtë ndeshje,” ka thënë ai për faqen zyrtare të Federatës së Basketbollit të Kosovës (FBK). 

“Përparësia e fushës mendoj që është një plus për ekipin, ndërsa fitorja do të ishte edhe e mirë për start pozitiv të vitit,” ka shtuar ai. 

TABELA AKTUALE E BIBL

Bashkimi kishte mposhtur Lovçenin edhe në ndeshjen e zhvilluar në Cetinje të Malit të Zi. 

Ekipi prizrenas që po e kalon stinorin debutues në këtë garë aktualisht ka bilanc 4-3, ndërsa Lovçen 1-5.