KUPA E SHQIPËRISË 2016
Tirana fiton Kupën e Shqipërisë
30 November, 2016 @9:29
Skuadra e Tiranës që këtë stinor po debuton në ligën ballkanike, ka fituar trofeun e parë vendor të stinorit.
Ekipi bardhekaltër nga kryeqyteti i Shqipërisë ka dominuar në finale ndaj Teutës së Durrësit për të ngritur Kupën, të parën pas pesë viteve.
Tirana mbrëmë i dha fund pritjes 5 vjeçare për Kupë, duke e mposhtur realitivisht lehtë Teutën në “Ramazan Njala” të Durrësit 89-73.
Manuel Johnson ishte më efikasi te Tirana me 19 pikë, ndërsa Griffin Ramme shtoi 17 të tjera në fitore. Endrit Hysenagolli dhe Gerti Shima shënuan nga 15 të tjera secili.
Robert Shestani dhe Mired Jani kanë qenë më efikasit te Teuta. Shestani shënoi 19, ndërsa Jani 14 të tjera për ekipin bregdetar.
