TEAM OF THE SEMIFINALS
TOP 5-shja e gjysmëfinaleve (Kupa e Kosovës)
6 February, 2021 @12:10
Gjatë ditës së djeshme, në Suharekë u zhvilluan dy gjysmëfinalet e Kupës së Kosovës në basketboll.
Në njërin prej takimeve, Prishtina e mposhti Prizrenin, kurse në tjetrin, Ylli e mposhti Rahovecin, duke bërë kështu që në finalen që luhet nesër (7 shkurt), mes vete të takohen Ylli dhe Prishtina.
Pas ndeshjeve gjysmëfinaleve, TopSporti.com ka zgjedhur pesëshen më të mirë të kësaj faze të garës.
Pesëshen e gjysmëfinaleve e përbëjnë: Nigel Johnson (Prishtina), Valon Bunjaku (Ylli), Arti Hajdari (Prizreni), Demetris Morant (Ylli) dhe Tevin Mack (Prishtina).
Në fitoren e Prishtinës ndaj Prizrenit, Nigel Johnson dhe Tevin Mack ishin fantastikë.
Johnson takimin e mbylli me 24 pikë, 6 kërcime, 6 asistime e 3 topa të vjedhur, kurse Mack luajti me 17 pikë, 11 kërcime, 2 asistime e 1 top të vjedhur.
Te skuadra e Prizrenit, u veçua Arti Hajdari, që luajti me 24 pikë, 6 kërcime e 2 asistime, për të zënë kështu vend në pesëshen e gjysmëfinaleve.
Nga takimi tjetër gjysmëfinal, Ylli vs. Rahoveci, vend në pesëshe gjejnë dy lojtarë të Yllit: Valon Bunjaku dhe Demetris Morant.
Bunjaku në fitoren e skuadrës kontribuoi me 24 pikë, 3 kërcime, 3 asistime e 1 top të vjedhur, kurse Morant luajti me 12 pikë, 14 kërcime e 1 bllokadë, për ta përmbyllur kështu pesëshen e gjysmëfinaleve.