TOP 5-shja e javës në Superligë (11)

TopSporti.com ka zgjedhur më të mirët e xhiros së 11 në Superligën e Kosovës në basketboll.

Ekipin e javës e përbëjnë: Joshua McFolley (Rahoveci), Fazli Vitia (Lipjani), Samir Zekiqi (Ylli), Terik Bridgeman (Bashkimi) dhe Fahro Alihodzic (Prishtina).

Përforcimi i ri i Rahovecit, Joshua McFolley, ishte më i dalluari në fitoren e skuadrës kundër Feronikelit. Ai luajti me 21 pikë, 6 kërcime, 4 topa të rrëmbyer dhe 3 asistime.

Forma jo e mirë e Lipjanit, vazhdoi edhe në ndeshjen kundër Yllit. Lipjani e regjistroi humbjen e 10 të stinorit, por Fazli Vitia ishte më i miri te Lipjani. Vitia luajti me 26 pikë, derisa shënoi 5 herë nga vija e treshit gjatë ndeshjes dhe i rrëmbeu 7 kërcime.

Samir Zekiqi ishte njëri ndër më të mirët te Ylli në fitoren kundër Lipjanit. Zekiqi luajti me 22 pikë, sikurse Fazlija i Lipjanit edhe Samiri shënoi 5 herë nga vija e treshit.

Bashkimi shënoi fitoren e gjashtë rresht në Superligë. Viktima e radhës ishte skuadra mitrovicase Trepça. Terik Bridgeman në këtë ndeshje shkëlqeu me double-double prej 29 pikëve e 12 kërcimeve.

Me double-double luajti edhe qendra e Prishtinës Fahro Alihodzic në fitoren e skuadrës kundër Prizrenit. Alihodzic u dallua te Prishtina me 26 pikë e 14 kërcime.