TOP 5-shja e javës në Ligën e Parë (5)

Pas ndeshjeve të përfunduara të xhiros së pestë në Ligën e Parë në basketboll, TopSporti.com ka përzgjedhur pesëshen e javës bazuar në performancat individuale të lojtarëve.

Ekipin e javës e përbëjnë: Qëndrim Demi (Drita), Bujar Qeku (Vëllaznimi), Diamant Shabani (Istogu), Drini Rexha (New Basket), Xavier Newson (Vëllaznimi).

Vëllaznimi është skuadra e vetme pa humbje deri më tani në Ligën e Parë. Skuadra gjakovare në këtë xhiro u takua me AS Prishtinë që nuk kishin pësuar edhe ata deri në këtë përballje. Vëllaznimi e mposhti AS Prishtinën me rezultat 64-80. Bujar Qeku dhe Xavier Newson ishin ndër më meritorit në fitoren Vëllaznimit.

Qeku luajti me 22 pikë, e 16 kërcime, kurse Newson me 27 pikë e 11 kërcime.

Qënrdim Demi i Dritës, ka shënuar pikët më të larta të xhiros së pestë. Ai ishte shumë i disponuar për ndeshje dhe luajti rolin kryesor në fitoren e skuadrës së tij ndaj Boreas. Demi shkëlqeu me 34 pikë, 7 asistime, 7 topa të rrëmbyer e 4 kërcime.

Istogu të shënojë fitore, e Diamant Shabani të mos jetë më i miri, ose duhet të jetë i lënduar ose të mos luaj fare. Shabani i njohur me nofkën “Skafka” përsëri ishte më i miri te Istogu. Ai luajti me 26 pikë, 17 kërcime, 5 asistime e 4 topa të rrëmbyer. Ky ishte hera e katërt që Diamant Shabani hyri në TOP 5-shen e javës.

Skuadra nga Prizreni, New Basket, në këtë xhiro e regjistroi fitoren historike të klubit në Ligën e Parë, duke e mposhtur Prishtinën e Re.

Drini Rexha duke luajtur me double-double prej 18 pikëve e 13 kërcimeve, luajti rol të rëndësishëm në fitoren e parë të klubit.