Kosova me 10 lojtarë, mposhtet nga Rumania!

Përkundër mundit Kosova nuk ka arritur të bëj më shumë ndaj Rumanisë sonte në Bukuresht, në një ndeshje me provokime nisur nga tifozëria vendase dhe tensionimi i situatave në ndeshje.

Dardanët u mposhtën me golat e pësuar kah fundi i ndeshjes, kur Rumania shfrytëzoi plotësisht lodhjen dhe shënoi dy herë për të fituar ndeshjen 2-0 [Stanciu 83’, Mihaila 90+3].

TABELA AKTUALE

Ndeshja u ndërpre rreth minutës së 20, kur “ultrasit” rumunë shpalosën pankartat anti-Kosovë, “Kosova është Serbi”! Ndeshja vazhdoi pas 40 minutash, ndërsa Kosova humbi edhe Vedat Muriqin, i cili mori karton të kuq pas një fauli të padëshiruar ndaj lojtarit rumun, duke marrë kartonin e dytë të verdhë.

Sidoqoftë, Kosova u mbajt deri kah minuta e 80 e ndeshjes, ndërsa Arijanet Muric priti edhe penalltinë e fituar nga vendasit. Por i njëjti që s’arriti të shënojë penalltinë i dha epërsinë rumunëve, kur tashmë pritej fundi. Stanciu shënoi, Kosova provoi pak, ndërsa Mihaila krejt në fund vulosi fitoren rumune, për të shuar tërësisht gjasat e Kosovës.