Trepça e konfirmon, Final Four-i në Mitrovicë

Megjithëse akoma nuk ka ndonjë njoftim zyrtar nga Federata e Basketbollit e Kosovës, skuadra e Trepçës ka bërë të ditur se Final Four-i i Kupës së Kosovës do të organizohet në Mitrovicë, përkatësisht në palestrën “Minatori”.

Ndërsa, sipas burime jo zyrtare është mësuar se KB Trepça ka qenë kandidatja e vetme për ta organizuar gjysmëfinalen dhe finalen e Kupës për sivjet.

Pavarësisht kësaj, skuadra mitrovicase ende nuk e ka të sigurtë nëse do të luajë në Final Four, pasi që më parë duhet ta mposht skuadrën e Rahovecit, në ndeshjen e sontme që do të luhet në Suharekë.

E fituesi i kësaj ndeshjeje do të jetë në gjysmëfinale përballë Sigal Prishtinës, derisa çiftin tjetër gjysmëfinal do ta formojë Peja dhe Bashkimi.