TREPÇA (F) - SFERA (F)
Trepça hap xhiron me fitore
21 November, 2018 @22:41
Vashat e Trepçës, në ndeshjen hapëse të xhiros së tetë në Ligën e Femrave në basketboll, e mposhtën skuadrën nga Skenderaji Sferën me rezultat 57-43.
Më të dalluarat te skuadra mitrovicase ishin Blerina Beqiri dhe Lorena Haxha. Beqiri luajti me 25 pikë, derisa Haxha shënoi 15 pikë, derisa në shumicën e shënimeve të bashklojtarëve të saj, ishte edhe asistuesja.
Kjo ishte fitorja e tretë e stinorit për Trepçën krahas katër fitoreve që i kanë dhe gjenden në pozitën e pestë aktualisht, derisa Sfera ka bilanc prej dy fitoreve e pesë humbjeve deri më tani.
Trepça në ndeshjen e radhës do të përballet me Dritën në Gjilan, derisa Sfera pret nënkampionen Prishtinën në Skenderaj.
