Trepça në Shkup, ndaj Karposit të përforcuar

Skuadra e Trepçës ka shënuar dy fitore nga 5 ndeshje të zhvilluara në Grupin B të BIBL. Ekipi nga Mitrovica do të tentojë të arrijë fitoren e tretë të grupit, ndaj ekipit të Karposit nesër mbrëma në Shkup.

Karpos në anën tjetër, është përforcuar së fundi me basketbollistin cilësor që luajti deri tash për Sigal Prishtinën, Bojan Trajkovski.

TABELA AKTUALE E BIBL

Ekipi maqedonas në fjalë nuk garon në ligën vendore dhe është koncentruar në Ligën e Adriatikut kryesisht, ku nuk po i shkon fare mirë, pasi që ka bilanc 2-10 dhe është e fundit në klasifikim.

Trepça së fundi ka pasur paraqitje të mirë në Pejë krahas mungesave që i ka ndier në ekip dhe pritet të dalë e motivuar në një ballafaqim me ekipin e Karposit nesër, në ndeshjen që nis prej orës 20e30 me refer kryesor Radomir Vojinovicin në “Boris Trajkovski Center” të Shkupit.