LAKERS - HAWKS
FOTO/ nba.com
Tyson Chandler sjell fitoren
12 November, 2018 @11:25
Los Angeles Lakers fitoren e tretë rresht e regjistroi dje në Staples Center, duke e mposhtur Atlanta Hawksin me rezultat 107-106.
Fitoren e Lakersave ia solli përforcimi posaardhur, Tyson Chandler. Rookie i Atlanta Hawksit Trae Young, e kishte rastin për ta fituar ndeshjen, i cili depërtoi për ta shënuar pikët vendimtare, por Chandler me një bllokadë fenomenale e shpëtoi skuadrën nga humbja.
Koshashënuesi më i mirë te Lakers ishte përsëri super ylli LeBron James me 26 pikë, 7 kërcime e 4 asistime.
Te Atlanta më i dalluari ishte Taurean Prince me 23 pikë.
Kjo ishte fitorja e tretë rresht dhe e shtata në total për Lakersin, ku pas një kohe të gjatë, aktualisht gjenden në zonën e Play Offit, ndërsa Atlanta ka bilanc prej 3 fitoreve e 10 humbjeve.
