EDMOND AZEMI
TOPSPORTI/ A. P.
Udhëtojmë për të fituar
10 February, 2020 @16:33
Kapiteni i Sigal Prishtinës, Edmond Azemi, përkundër moshës, është njëri ndër basketbollistët më të dalluar të skuadrës dhe s’po ndalet së kërkuari.
Uria për trofe te Prishtina është gjithmonë prezente, ndërsa këtë e ka konfirmuar përsëri Azemi, i cili në një prononcim për faqen zyrtare të FBK-së ka bërë të ditur se ekipi udhëton për të fituar.
“Synimi ynë është të fitojmë trofeun e çmuar. Nuk do ta kemi aspak lehtë, për shkak se, edhe skuadrat tjera janë shumë të forta. Takimin e parë e kemi ndaj GoldenEagle Yllit, që nuk është lehtë. Ne jemi përgatitur për garat e Kupës. Ky trofe ka shumë rëndësi për ne dhe udhëtojmë me synime për ta fituar. Shpresoj se do t’ia arrijmë qëllimit në fund,” ka thënë Azemi.
Prishtina do të ketë punë ndaj Yllit në Final 8 të Kupës së Kosovës, fituesi i së cilës ndeshje do të kalojë në gjysmëfinale të Kupës.
Ndeshja luhet të mërkurën, 12 shkurt, me fillim prej orës 19:00.
Bardhekaltërit udhëtojnë në Rahovec, për të mbrojtur trofeun që e fituan vjet në finale pikërisht kundër ekipit organizator të fazës finale të Kupës.
