UNITED-KAÇANIKU
United Basketball fiton PlayOutin, ngritet në Ligë të Parë
18 May, 2017 @14:08
Skuadra e formuar në vitin e kaluar, United Basketball, ka arritur që në stinorin e parë të themelimit të promovohet në një rang më të lartë të garave të basketbollit kosovar.
United Basketball pasi që humbi finalen e Play-Offit të Ligës së Dytë nga Kalaja e Prizrenit, ka arritur që në rastin e dytë të mposht Kaçanikun në kuadër të ndeshjeve të Play-Outit dhe të sigurojë Ligën e Parë.
Ekipi nga Gjilani ka shënuar fitore 2-0 në seri, ndërsa në ndeshjen e fundit, ata fituan me dallim 21 pikësh, 73-52, për tu bërë pjesë e Ligës së Parë të basketbollit kosovar.
Tashmë, Liga e Parë ka pranuar dy ekipe të reja në gjirin e saj nga Liga e Dytë, KB Kalaja nga Prizreni dhe United Basketball nga Gjilani.
Ndërsa në Ligë të Dytë kanë rënë, Newborn Prishtina dhe Kaçaniku.