VËLLAZNIMI - ISTOGU
Vëllaznimi rimerr lidershipin
18 November, 2018 @22:36
Skuadra gjakovare, Vëllaznimi, duke e mposhtur Istogun me rezultat 93-81, me një ndeshje më shumë u vendos në krye të tabelës në Ligën e Parë të Kosovës në basketboll.
Në ndeshjen e sontme rol të rëndësishëm në fitoren e skuadrës kuezi luajti performanca e Atik Koshit. Koshi shkëlqeu me 31 pikë, 7 kërcime e 7 asistime, derisa u ndihmua edhe nga amerikani Robert Claypool me 18 pikë të tjera.
Te Istogu përsëri dyshja Diamant Shabani e Ardit Pepaj ishin më të mirët. Shabani luajti me 37 pikë, 16 kërcime e 5 asistime, derisa Pepaj u dallua me 27 pikë.
Vëllaznimi me një ndeshje më shumë gjendet në pozitën e parë me 7 fitore e 1 humbje, ndërsa Istogu ka bilanc prej pesë fitoreve e dy humbjeve.
