Warriors 15/16 apo Bulls 95/96?

Humbja befasuese e sotshme që Golden State Warriors e pësoi nga Minnesota Timberwolves, ka bërë që të dyshohet në mundësinë se a do të mund që kampioni aktual i NBA-së të thyejë rekordin e Chicago Bullsit të dikurshëm.

Bullsat e stinorit 1995/96 kanë përfunduar stinorin e rregullt me bilanc 72-10.

Warriors aktualisht ka bilancin 69-9, 4 ndeshje pa përfunduar stinori.

Mirëpo, tre humbje brenda 4 ndeshjeve të fundit si dhe duelet e vështira në takimet e mbetura kanë bërë që së paku adhuruesit e Chicagos të buzëqeshin pak para fundit të stinorit.

Warriors në katër ndeshjet e fundit do të ndeshet dy herë me ekipin më të mirë pas tyre këtë stinor, San Antonio Spurs, që së fundi i mposhti në duelin e fundit mes vete.

Shikoni mëposhtë ndeshjet e mbetura të Warriorsit në tabelën e krahasimeve me përfundimin e stinorit nga Chicago Bullsi i dy dekadave më parë me Michael Jordanin legjendar.

A do të munden ta thyejnë apo jo?!