Warriorsat fitojnë derbin ndaj Houstonit

Dy skuadra që gjenden në maje të Konferencës Perëndimore, Golden State Warriors dhe Houston Rockets, sot në mëngjes u përballën në Toyota Center.

Ndeshja përfundoi në favor të kampionit aktual, Warriors, me rezultat 124-114.

Për shkak të lëndimeve të lehta, te Golden State, Kevin Durant, ndërsa te Houstoni James Harden nuk luajtën në këtë ndeshje.

Stephen Curry ishte koshashënuesi më i mirë te skuadra e trajnerit Steve Kerr, me 29 pikë të shënuara, i rrëmbeu 9 kërcime dhe i bëri 5 asistime, kurse Draymond Green luajti me shifrat magjike triple-double 17 pikë, 14 kërcime e 10 asistime.

Te Houstoni, Eric Gordon shënoi 30 pikë e 7 asistime.

TABELA AKTUALE

Kjo ishte fitorja e 31-të e Golden State Warriorsave, krahas 8 humbjeve që i kanë, ndërsa për Houstonin kjo ishte humbja e 10 e stinorit.