MAVS - WARRIORS
Foto: nba.com
Curry sjell fitoren në sekondat e fundit
4 January, 2018 @10:41
Kampioni aktual i NBA-së, Golden State Warriors, në ndeshjen kundër Dallas Mavericksit që është luajtur sot në mëngjes, ishte në epërsi prej 12 pikëve në çerekun e fundit të ndeshjes.
Dallasi nuk u dorëzua deri në sekondat e fundit dhe e barazoi rezultatin.
Por në anën tjetër, Stephen Curry nuk dëshiroi që t’i luajë vazhdimet dhe 3 sekonda para përfundimit të ndeshjes shënoi nga vija e treshit dhe ia solli fitoren skuadrës së tij me rezultat 125-122.
Curry ndeshjen e mbylli me 32 pikë, 8 asistime e 5 kërcime, derisa u ndihmua edhe nga Kevin Durant e Klay Thompson që shënuan nga 25 pikë secili.
Te Dallasi u dallua Wesley Matthews me 22 pikë.
Kjo ishte fitorja e 30 e Golden State Warriorsit dhe me 8 humbje aktualisht, është skuadra me më së paku humbje në NBA.
