Wayne Rooney penzionohet nga kombëtarja

Përmes një konfirmimi nga vetë lojtari, sot u bë e ditur që Wayne Rooney është penzionuar nga Kombëtarja e Anglisë në futboll.

Golashënuesi më i mirë në histori të Kombëtares, me 53 gola në 119 paraqitje, i dha fund karrierës me Anglinë pas 14 viteve pjesë e saj.

“Ka qenë një privilegj të luaj për Kombëtaren e Anglisë. Është diçka që e ëndërron që nga mosha fëmijërore. Penzionimi ishte një vendim i vështirë, i cili erdhi pas diskutimeve me trajnerin te Evertoni, familjen dhe njerëzit e afërt me mua. Çdo ftesë për të qenë pjesë e skuadrës dhe çdo ndeshje që isha kapiten kanë qenë momente speciale për mua.” - u shpreh Rooney në letrën që e shkroi me rastin e penzionimit.