Woodall s’shkon askund

Drejtuesit e klubit të Bashkimit nuk e kanë ndërmend ta largojnë nga skuadra basketbollistin amerikan, Tray Woodall.

Kjo është konfirmuar edhe në njoftimin e klubit prizrenas, ku janë hedhur poshtë spekulimet në lidhje me një largim të mundshëm të organizatorit 25 vjeçar.

“Woodall ka kontratë me klubin e Bashkimit dhe ai do të vazhdojë të jetë pjesë e ekipit tonë. Ne kemi besim të plotë te Woodall dhe llogarisim në shërbimet e tij për ndeshjet e këtij stinori,” thuhet në njoftimin e klubit prizrenas.

Lajmi i largimit të Woodallit ishte shkruar sot edhe nga faqja e njohur eurobasket.com, ku thuhej se basketbollisti ka arritur marrëveshje me skuadrën Rakvere Tarvas nga Estonia.