Ylli i Rahovecit, zyrtarizohet te Prishtina

Futbollisti 21-vjeçar i Rahovecit, që shkëlqeu aty në pjesën vjeshtore të stinorit, Jalen Miller Blesa, ka arritur marrëveshje me Prishtinën dhe sot është bërë edhe zyrtarisht lojtar i ri i bardhekaltërve.

Blesa ka shënuar 10 gola në 12 ndeshje për Rahovecin gjatë vjeshtës, duke e mbajtur ekipin në pjesën e epërme të renditjes tabelare, ndërsa ka bërë edhe dy asistime në proces.

Spanjollo-amerikani Blesa ka thënë se është i lumtur që i është bashkuar ekipit më të madh në Kosovë, ndërsa si synim ka përmendur garat evropiane me klubin e tij të ri.

Para Rahovecit, Miller ka luajtur për Istogun dhe Arlesey Town.