Zëvendësuesi Rashica mundëson fitoren e Besiktasit

Futbollisti i Kosovës, Milot Rashica, ka qenë vendimtar në fitoren e Besiktasit ndaj Dinamo Kievit sonte në Bukuresht. Rashica u fut në lojë nga trajner Senol Gunes në minutën e 65 të ndeshjes kur rezultati ishte 2-2, ndërsa pas ikjes së tij në minutat shtesë të ndeshjes, pas një pasimi të thellë nga mesfusha dhe mashtrimit të bërë ndaj kundërshtarit, duke ndalë topin, ka gjetur Zaynutdinovin që ka shënuar për fitore.

Me këtë, ndeshja përfundoi Dinamo Kiev 2-3 Besiktas, derisa ndeshja vendimtare luhet një javë pas në Stamboll, ku ekipi i Rashicës do të kërkojë të sigurojë fazën grupore të Ligës së Konferencës.

Milot Rashica with a crucial assist in Besiktas winning goal against Dinamo Kyiv.pic.twitter.com/vi7P6CvknM

— Kosovan Football (@kosovanfooty_EN) August 24, 2023