REAL MADRID
Zidane i qartë: Nuk dua transferime
10 January, 2018 @15:00
Përkundër faktit që skuadra e tij pothuajse i ka humbur plotësisht gjasat për ta fituar La Ligan, Zinedine Zidane ende beson në skuadrën e tij.
“Dua të jem i qartë. Është faji i të gjithëve dhe prandaj të gjithë duhet të punojmë për t’u përmirësuar.
Nuk dua transferime, jam i kënaqur me grupin dhe nuk do të ketë përforcime në muajin janar.” - u shpreh Zidane në konferencën e sotme për shtyp, duke shuar kështu zërat mediatik të cilët e lidhnin Realin me lojtarë të ndryshëm nga mbarë Evropa.
Pas 18 xhirove në La Liga, Reali me një ndeshje më pak të zhvilluar ndodhet 16 pikë prapa Barcelonës lidere në tabelën e klasifikimit.
