Zyrtarizohet largimi në debutim i Rahovecit nga BIBL

Skuadra debutuese këtë stinor në ligën ballkanike, KB Rahoveci, është përshëndetur para kohe nga stinori debutues në ligën e parë ndërkombëtare që mori pjesë ndonjëherë.

Si duket llogaritë e bëra në fillim të stinorit, nuk po i dalin kah fundi vreshtarëve. Synonin të dilnin me trofe nga BIBL, por tashmë, u tërhoqën nga garat dhe me arsyetimin e mosarritjes së sigurimit të buxhetit për një garë ndërkombëtare!

Në letrën zyrtare të BIBL-it thuhet: Menaxhmenti i klubit me aprovim të FBK-së ka informuar BIBL-in që s’do të merr pjesë më në stinorin 2019/20 të BIBL, për shkak të çështjeve financiare dhe pamundësinë për të siguruar buxhet për pjesëmarrje në garë ndërkombëtare.

Në ndërkohë BIBL do të publikojë orarin për ndeshjet e mbetura të ligës, ashtu që të vihen kushtet e barabarta për të luajtur dhe matur forcat në parket pjesëmarrësit e garës.

Ndërsa KB Rahoveci mbrëmë ka dalë me njoftim se “pas mbledhjes së Bordit të klubit kanë vërejtur se shpenzimet janë të papërballueshme, ndërsa synimi është përqëndrimi maksimal në Superligë”.

Në stinorin debutues në BIBL Rahoveci kishte arritur të shënonte vetëm 3 fitore nga 9 ndeshje të zhvilluara, 6 prej të cilave humbje dhe ishte i fundit në renditjen tabelare të BIBL, pak para dueleve gjysmëfinale.

TABELA (me Rahovecin):

1. Academic 7-1
2. Peja 5-4
3. Vllaznia 4-6
4. Ibri 4-6
5. Rahoveci 3-6