“-2 pikë, rezultat i mirë”

Njëri prej basketbollistëve më të mirë të Rilskit, Vernon Taylor, i cili së bashku me Zarko Rakocevicin ishin bartësit e lojës te skuadra bullgare në përballje me Sigal Prishtinën, është shprehur i kënaqur me rezultatin e ndeshjes së parë.

Taylor, në prononcimin e tij për balkanleague.com, tha se në një atmosferë të çmendur sikur që ishte në Prishtinë, humbja me -2 pikë, është rezultat i mirë për ta.

“Ishte një atmosferë e çmendur. Si fëmijë, ju gjithmonë kërkoni të luani në një mjedis sikur kjo dhe për ne është mirë të vijmë këtu dhe të humbim vetëm për dy pikë. Ne kërkuam të fitojmë por për të humbim për 2 pikë tregoi se kemi karakter dhe sa e bashkuar është skuadra jonë. Tani do të shikojmë përpara për ndeshjen e radhës dhe do ta harrojmë këtë ndeshje. Për ndeshjen e ardhshme pres që Prishtina të tregohet më e mirë se që ishte sot. Pres një betejë të madhe,” tha Taylor.

Raporti i ndeshjes Sigal Prishtina - Rilski.

Basketbollisti amerikan këtë ndeshje e kishte përmbyllur me 20 pikë, 3 kërcime dhe 3 asistime.

Deklarata pasndeshjes e ndihmëstrajnerit të Rilskit.