MANCHESTER UNITED 3-1 BURNLEY
3 gola me Rangnickun, United në TOP 6
30 December, 2021 @23:38
Manchester United ka shënuar tri herë në pjesë të parë të ndeshjes për të mposhtur Burnley në Old Trafford, ndërsa me fitore i është kthyer gjashtëshes kryesuese të renditjes në Premier Ligë.
Scott McTominay (8), një goditje e devijuar e Jadon Sanchos, që iu regjistrua autogol Ben Mee (27) dhe Cristiano Ronaldo (35) kanë qenë autorët e golave për vendasit, ndërsa Aaron Lennon (38) shënoi për 3-1 përfundimtare.
Me Ralf Rangnickun në krye të ekipit, Manchester United për herë të parë ka shënuar tri gola në një ndeshje, ndërsa ka vazhduar pamposhtshmërinë prej se gjermani mori drejtimin nga Ole Gunnar Solskjaer.
