5 gola në pjesë të dytë, Atletico mposhtet, por kualifikohet

Skuadra e Diego Simeones ka qenë larg vetëm një goli të pranuar për tu eliminuar nga gara e Kupës së Mbretit, Copa del Rey, sonte.

Atletico Madrid ka pasur epërsi 2 golëshe nga ndeshja e parë e zhvilluar në Las Palmas, 0-2 për Atleticon.

E sonte, përkundër se nisi mirë pjesën e dytë me avantazh 1-0 dhe 2-1 pas 61 minutash lojë, krejt në fund ishte shumë afër befasisë kur kroati Marko Livaja dhe argjentinasi Mateo Garcia sollën Las Palmasin në epërsi 2-3, por koha nuk mjaftoi.

Një gol i mungoi mysafirëve sonte për të shkaktuar befasinë e dorës së parë në Copa del Rey, ndërsa Atletico sidoqoftë, arriti kualifikimin.

Përndryshe, kjo ka qenë disfata e parë e Atletico Madridit pas 5 fitoreve me radhë në të gjitha garat.