Avdijaj titullar në miqësore me Schalken

Talenti nga Kosova, Donis Avdijaj, ka filluar të ketë minutazh të konsiderueshëm në skuadrën e Schalkes, pas mungesës për një kohë të gjatë për shkak të lëndimit.

Avdijaj sot ka qenë zgjedhja e parë e trajnerit në ndeshjen miqësore kundër skuadrës belge, Oostende, që u zhvillua në Spanjë, ku skuadrat po qëndrojnë për fazën përgatitore.

Ndeshja përfundoi me rezultat 2-1 për Schalken, ndërsa Avdijaj pati paraqitje të mirë duke u treguar disa herë i rrezikshëm para portës kundërshtare dhe në pjesën e dytë u zëvendësua për t’ia lënë vendin bashkëlojtarit të tij.