ÇEREKU I TRETË: BASHKIMI-TREPÇA
6 pikë dallim, nis 10 minutëshi i fundit
25 February, 2017 @21:32
Ka përfunduar edhe çereku i tretë i ndeshjes derbi në Prizren ndërmjet Bashkimit dhe Trepçës. Bashkimi tash ka epërsi 6 pikëshe, ndërsa lufta e madhe në parket po vazhdon.
Ky ka qenë çereku me më së shumti pikë të shënuara për të dy ekipet, 24-21, ndërsa rezultati 10 minuta para fundit të ndeshjes është 59-53 në të mirë të Bashkimit.
Justin Black ka shpërthyer pas pushimit 10 minutësh te Bashkimi. Ai tash ka 20 pikë të shënuara gjatë ndeshjes, derisa trajneri Dragan Radovic ka shfrytëzuar 10 lojtarë deri tani në lojë.
Te Trepça, Jeremy Wise është larg më i mirë se të tjerët sonte. Ai thuajse vetë po e mban në lojë ekipin me shënimet e tija, që tash ka arritur në 22 pikë. Përveç tij vetëm edhe Eric Stutz ka pikë dyshifrore të shënuara, 10.
