ALL STAR 2015 në New York

Kryesia e NBA-së, vendosi që All Stari 2015, të mbahet në New York, ndërsa nikoqire të këtij evenimenti do të jenë dy skuadra, Brooklyn Nets dhe New York Knicks.

Spektakli do të fillojë me 13 shkurt, me ndeshjen e lojtarëve ‘rookie’ dhe atyre që do ta kalojnë vitin e dytë në NBA, kurse më pas me 14 shkurt, do të jenë garat për shkathtësi, gjuajtje për tre pikë dhe ngulitje.

Këto organizime të lartëpërmendura, do të mbahen në palestrën e Brooklyn Netsit, Barclays Center.

Ndërsa ndeshja kryesore e yjeve, do të mbahet me 15 shkurt në Madison Square Garden të New York Knicks-it, që do të jetë All-Stari i 64-të në histori të NBA-së.

All Stari 2014, është caktuar më herët që të mbahet në New Orleans, kurse i vitit kaluar është mbajtur në Houston, ku fitues nga dueli kishte dalur skuadra e Perëndimit, ndërsa MVP, ishte zgjedhur Chris Paul.