ARSENAL - WATFORD
Watford feston në Emirates Stadium (Foto: Squawka)
Arsenali mposhtet, humbja e parë e Mustafit
31 January, 2017 @22:38
Pas fitores së thellë ndaj Southamptonit në FA Cup, Arsenali është befasuar nga skuadra e Watfordit në Premier League.
Watfordi zhvilloi një pjesë të parë shumë të mirë, jo vetëm duke u mbrojtur, por edhe duke e sulmuar Arsenalin, i cili përkundër posedimit dukshëm më të madh, takimin e mbylli me më pak goditje në portë se Watfordi. Golat e fitores për mysafirët u shënuan nga Kaboul dhe Deeney në 15 minutat e para, ndërsa rikthimi i Arsenalit nuk erdhi në asnjë moment, përkundër golit të hershëm të Iwobit në fillim të pjesës së dytë.
Sa i përket shqiptarëve te Arsenali, Granit Xhaka mungoi për shkak të suspendimit, derisa Shkodran Mustafi ishte startues dhe luajti për 90 minuta. Në anën tjetër, Valon Behrami u paraqit për 63 minuta për Watfordin.
Duhet përmendur që kjo ishte hera e parë që Arsenali mposhtet me Shkodran Mustafin startues.
Kjo humbje bën që Arsenali të bëjë hap prapa në luftën për titull, derisa fitoret e mundshme të skuadrave të Manchesterit nesër, e komplikojnë edhe më tepër situatën e skuadrës së Wengerit.
