MEMPHIS
REUTERS/Bill Waugh
Grizzlies eliminon nënkampionin!
16 May, 2013 @9:53
Shkëlqimi i arushave, e çoi skuadrën drejt finaleve të Konferencës Perëndimore. Pas Los Angeles Clippersit, arritën ta eliminojnë edhe nënkampionin Oklahoma City Thunder.
Memphis, në këtë seri, me plotë kuptimin e fjalës dominoi duke e mposhtur kundërshtarin me rezultat 4-1. Ky sukses, për arushat, ishte i pari në histori të klubit.
Ndërsa ndeshja e fundit e serisë, përfundoi me rezultat 88-84. Më i miri tek Grizzlies, ishte Zach Randolph i cili shkëlqeu me 28 pikë e 14 kërcime, kurse në anën tjetër, Kevin Durant, edhepse nuk luajti me një përqindje të lartë të shutit, ishte koshashënuesi më i mir tek OKC, me 21 pikë, por nuk mjaftuan për ta vazhduar serinë.
Tani Memphis, në finale të Konferencës Perendimore, do të përballet me fituesin e duelit San Antonio - Golden State, ku rezultati në seri është 3-2 në favor të San Antonio-së.
Video
Shkëlqimi i Zach Randolph në ndeshjen e 5-të
REZULTATI:
| Oklahoma City Thunder - Memphis Grizzlies | 84-88 | 1-4 në seri |
