Barcelona nokautoi Real Madridin, për të festuar në “Bernabeu”

Robert Lewandowski, Lamine Yamal dhe Raphinha shënuan golat ndërsa Barcelona mundi Real Madridin 4-0 në El Clasico në Bernabeu. Me këtë fitore, skuadra e Hansi Flick-it kalon gjashtë pikë përpara Real Madridit në krye të tabelës. Barcelona tani ka një statistikë stinori prej 11 ndeshjesh të luajtura, 10 të fituara dhe një barazim këtë sezon në La Liga. 

Robert Lewandowski shënoi dy herë brenda tre minutave në pjesën e dytë, duke i dhënë epërsinë Barcelonës në këtë fitore të thellë ndaj Realit në El Clasico. 
Lamine Yamal dhe Raphinha shtuan edhe më shumë vuajtjet e Madridit, i cili mbeti i ekspozuar prapa teksa përpiqej të gjente një mënyrë për t’u rikthyer në lojë. 

Los Blancos erdhën në El Clasico me një seri prej 42 ndeshjesh pa humbje në La Liga dhe ishin vetëm një larg rekordit të vetë Barcelonës. 
Skuadra e Carlo Ancelottit mund të kishte kaluar në avantazh para pushimit, por Kylian Mbappe ra në pozicion jashtë loje gjashtë herë dhe një gol iu anulua. 

Përvoja e 36-vjeçarit Lewandowski bëri diferencën në pjesën e dytë, kur ai shmangu kurthin e pozicionit jashtë loje për të zhbllokuar rezultatin dhe realizoi një gol me kokë tri minuta më vonë. 
Lewandowski kishte mundësinë të mbyllte gjithçka, por humbi dy raste të sigurta, duke i dhënë Madridit shpresë për një rikthim. 

Megjithatë, Los Blancos u ndëshkua edhe dy herë të tjera nga Yamal dhe Raphinha, të cilët përfituan për të vulosur një fitore të paharrueshme. 
Me këtë rezultat, Barcelona shkon gjashtë pikë në krye të La Liga-s. 

Trajneri i Barcelonës, Hansi Flick, tregoi një mjeshtëri taktike duke i dhënë fund në mënyrë të pamëshirshme serisë së pathyeshmërisë së rivalëve. 
Linja e lartë dhe e ngushtë mbrojtëse e vizitorëve bëri që Mbappe të zhgënjehej në pjesën e parë, pasi vazhdimisht gjendej jashtë loje. 
Madridit iu akorduan 12 pozicione jashtë loje gjatë ndeshjes, dhe kur kalonte mbrojtjen, portieri Inaki Pena ishte i pakalueshëm. 

Në kundërsulm, Barcelona tregoi pamëshirshmëri në pjesën e dytë, me Lewandowskin që e kohëzoi në mënyrë të përsosur vrapimin për golin e parë. 
Goli i dytë i shpejtë i Lewandowskit ishte momenti i duhur për vizitorët, të cilët më pas përfituan nga frustrimi i kundërshtarëve në kundërsulm. 

FAKTORI INIGO!
33-vjeçari ishte në zemër të një paraqitjeje të shkëlqyer mbrojtëse kundër një prej sulmeve më të fuqishme në botë. 
Martinez ishte një element kyç në fitoren e Barcelonës, duke mbajtur linjën mbrojtëse në mënyrë perfekte për të kapur vazhdimisht Madridin jashtë loje. 

Kur Vinicius Junior dhe Mbappe gjetën një rrugë përmes mbrojtjes, Martinez ishte aty për të bërë ndërhyrje të shkëlqyera. 
Të ruash portën e paprekur në Bernabeu ishte po aq mbresëlënëse sa të shënosh katër gola në portën kundërshtare.

Në fund, El Clasicoja e parë e Hansi Flickut kalon me fitore ndaj Carlo Ancelottit për përfundimtaren: Real Madrid - Barcelona 0-4 [Lewandowski 54’, 56’, Yamal 77’, Raphinha 84’]

NOTAT E FUTBOLLISTËVE:

REAL MADRID: Lunin 6, Lucas 6, Militao 6, Rudiger 6, Mendy 6, Valverde 7, Tchouameni 6, Camavinga 6, Bellingham 7, Vinicius Junior 7, Mbappe 7. Rez.: Diaz 6, Garcia 6, Modric 6.

BARCELONA: Pena 8, Kounde 7, Cubarsi 8, Martinez 9, Balde 8, Casado 7, Pedri 7, Yamal 8, Lopez 7, Raphinha 8, Lewandowski 7. Rez.: De Jong 7, Gavi 7, Olmo 6.