BIBL
Bashkimi e Peja, e nisin ndaj maqedonëve
14 September, 2016 @13:20
Skuadra e Bashkimit që do të garojë në Grupin A të BIBL këtë stinor do të nis stinorin në Gjevgjeli të Maqedonisë, ku do të ndeshet ndaj Kozuvit.
Ekipi prizrenas që debutoi stinorin e kaluar në BIBL, ku kaloi fazën e parë dhe u eliminua në të dytën, ka ndërruar trajnerin këtë stinor dhe është duke e krijuar ekipin ditë pas dite.
Në anën tjetër, Kozuv është njëra ndër arrat më të forta të BIBL dhe ka shumë përvojë në këtë garë.
Dueli zhvillohet në palestrën “26 prilli” në Gjevgjeli, ndërsa luhet më 12 tetor 2016.
PEJA NIS NË KARAGAÇ
Në anën tjetër, Peja, që synon titullin e BIBL këtë stinor dhe bën pjesë në Grupin B të BIBL do t’ia nis në “Karagaç” ndaj ish-kampionit të kësaj lige, Feni Industries nga Shkupi, që llogaritet gjithashtu si ekip i fortë i kësaj lige.
Ndeshja zhvillohet më 12 tetor 2016, ndërsa Peja tashmë ka nisur stërvitjet dhe ka kryer disa përforcime në ekip, ku ka regjistruar edhe 5 lojtarë të huaj.
