GAME 1: BASHKIMI - TREPÇA
Bashkimi merr epërsinë në seri
16 April, 2019 @20:41
Bashkimi e ka nisur mbarë serinë çerekfinale të PlayOffit ndaj Trepçës, duke fituar ndeshjen e parë të PlayOffit në Sezai Surroi, pas një pjese të parë tejet të ngushtë.
Prizrenasit kanë shënuar fitore në saje të lojës së mirë në çerekun e fundit të ndeshjes, 30-21, për të fituar në fund 86-73 dhe për ta marrë epërsinë e serisë 1-0.
Ndeshja e radhës do të zhvillohet në Minatori të Mitrovicës.
Jordan Capps ka qenë më efikasi në fitoren e Bashkimit sonte. Capps ka shënuar 27 pikë, 7 kërcime në fitore, ndërsa Drilon Hajrizi ka kontribuuar me 17 pikë, 9 kërcime e 8 asistime në fitore, duke qenë lojtari më i mirë i ndeshjes.
Shiko: PLAYOFF Skemën
Te Trepça, që luajti mjaft mirë në tre çerekë më efikasi ka qenë Samir Zekiqi me 21 pikë të shënuara, ndërsa më i miri për të gjelbërit ka qenë Besnik Azemi që dha 16 pikë e 9 kërcime.
Bashkimi tash me epërsi 1-0 do të udhëtojë të premten më 19 prill në Mitrovicë për të kërkuar fitoren e dytë që do ta çojë në gjysmëfinale.
Në të kundërtën, luhet ndeshja e tretë më 21 prill ku do të vendoset gjysmëfinalisti.
