BASHKIMI - TREPÇA
Bashkimi mposht Trepçën dhe merr kreun
1 November, 2017 @20:54
Në ndeshjen hapëse të xhiros së VII në Superligën e Kosovës në basketboll, Bashkimi ka shënuar fitore ndaj Trepçës në Prizren.
Prizrenasit ishin skuadër më e mirë gjatë gjithë ndeshjes, me përjashtim të çerekut të dytë, derisa rezultati përfundimtar i takimit shënoi 84-63.
Më të dalluarit te Bashkimi sonte ishin Adrian Motley me 23 pikë e 4 kërcime dhe Jamar Hanner me 18 pikë, 17 kërcime e 1 asistim, ndërsa pikë dyshifrore ndaj skuadrës së qytetit të tij pati edhe Samir Zekiqi, 14. Përforcimi më i ri i Bashkimit, Daishon Knight, sonte u paraqit për afro 20 minuta dhe luajti me 5 pikë, 2 kërcime e 2 asistime. Te Trepça si zakonisht u dallua dyshja amerikane; Mark Williams pati 24 pikë, 7 kërcime e 2 asistime, kurse Julian Hyden takimin e mbylli me 23 pikë, 12 kërcime 3 asistime.
Me këtë fitore bilanci i Bashkimit tashmë është 5-2, duke bërë që kjo skuadër të ngjitet në krye të klasifikimit, edhe pse duhet përmendur që Prishtina ka më pak ndeshje të zhvilluara momentalisht, ndërsa në anën tjetër Trepça ka bilanc 1-6 dhe ndodhet në pjesën ‘e ftohtë’ të tabelës.