Bayerni i tregoi përvojën evropiane Leverkusenit

Bayern Munchen ka arritur të dalë fitues komod në përballjen “derbi gjerman” në kuadër të së tetës së finales së Ligës së Kampionëve. Bavarezët të udhëhequr në sulm nga i pamëshirshmi Harry Kane kanë shënuar fitore bindëse ndaj Bayer Leverkusenit, kampionit aktual të Gjermanisë, për të siguruar avantazh komod për ndeshjen e kthimit në mesjavën që vjen.

Shpejt Bayern shënoi përmes Harry Kane-it, ndërsa në pjesë të dytë “mbyti” shpresat e kundërshtarit që prej minutës së 62-të luajti me 10 lojtarë (Mukiele, dy të verdha), për të fituar ndeshjen, Bayern Munchen - Bayer Leverkusen 3-0 [Kane 9’, 75’pen., Musiala 54’].

Të dyja ekipet bënë nga 5 ndërrime në ndërkohë, por për ekipin e Xabi Alonsos nuk ishte e shkruar as që të arrijë një gol, për të shtuar shpresat për ndeshjen e kthimit. Me shumë gjasa, Bayerni tashmë mund ta llogarisë veten si çerekfinalist.