PALLATI I RINISË
BOROZANI/Lis Dorambari/Arkiv
Befasohet Prishtina!
16 December, 2014 @18:52
Atëherë kur pritej fitorja e lehtë, Sigal Prishtina dështoi. Mornar i Tivarit ka dalë fitues në Pallatin e Rinisë dhe të Sporteve në kryeqytetin tonë sonte, duke e mposhtur rivalin edhe më lehtë sesa që ka menduar në fillim.
Derisa Mornari shënonte lehtë dhe gati nga çdo akcion, prishtinasit në anën tjetër kishin vështirësi të madhe posaçërisht në pjesë të dytë të ndeshjes, pasi që e para ishte e barabartë.
Çereku i tretë i ndeshjes u tregua të jetë vendimtar, kur ekipi i udhëhequr nga Sabit Hadzic nuk arrinte të gjentë zgjidhje në sulm, derisa linte hapësira të mëdha në mbrojtje, që i shfrytëzonte në maksimum kundërshtari.
Korac dhe Coleman, fatal
Qendra amerikane e malazezëve, Samuel Coleman, ka regjistruar double-double në fitoren e tretë të Mornarit. Coleman shënoi 22 pikë dhe 10 kërcime në fitoren befasuese të ekipit të tij.
Ai u ndihmua jashtëzakonisht nga Nikola Korac që shënoi 29 pikë, asistoi 7 herë për bashkëlojtarët dhe rrëmbeu 7 topa nën kosh, duke e bërë atë lojtarin e ndeshjes me efiçencë të kuotuar 38.
Dardan Berisha në anën tjetër, përsëri ishte basketbollisti më efikas i takimit. ‘Dali’ shënoi 31 pikë, por treshet e tij nuk ecën sonte, duke pasur një përqindje të saktësisë prej 28%, ku nga 14 tentime për tre, shënoi 4 herë.
Ndihma nga banka
Dardani bashkë me qendrën boshnjake, Edin Bavcic, luajtën pa pushim për 40 minuta në humbjen e parë të stinorit në BIBL në Prishtinë. Bavcic regjistroi double-double prej 18 pikëve dhe 14 kërcimeve.
Ndihma nga banka te Prishtina ka qenë e varfër. Kjo është njëra ndër aryset kyqe të humbjes. Derisa banka e Prishtinës shënoi 7 pikë gjatë gjithë ndeshjes, banka e kundërshtarit i dha 19 pikë.
Sigal Prishtina me këtë rezultat, për momentin mbetet në vendin e dytë të Grupit B, derisa Mornari iu revanshua për humbjen në Tivar dhe barazoi bilancin e vetë në 3-3 pas kësaj fitoreje.
Kjo ka qenë ndeshja e fundit e prishtinasve për këtë vit në ligën ballkanike, derisa vazhdimi i stinorit nis në mes të muajit të ardhshëm.
Statistikat ekipore:
| Sigal Prishtina | Mornar | ||
| Çereku i parë | 27 | 27 | |
| Çereku i dytë | 23 | 27 | |
| Çereku i tretë | 16 | 29 | |
| Çereku i katërt | 25 | 21 | |
| Kërcime | 38 | 37 | |
| Asistime | 20 | 22 | |
| Bllokada | 2 | 5 | |
| Topa të vjedhur | 5 | 6 | |
| Topa të humbur | 13 | 11 | |
| Tentime për tre pikë | 15/37 | 15/33 | |
| Tentime nga loja | 33/73 | 38/70 | |
| Tentime nga gjuajtjet e lira | 10/12 | 13/15 |
Statistikat individuale te Sigal Prishtina
| 1 | Dardan Berisha | 31 pikë | 4 asistime | 2 kërcime |
| 2 | Edin Bavcic | 18 pikë | 14 kërcime | 2 asistime |
| 3 | Jordan Hulls | 17 pikë | 7 asistime | 4 kërcime |
| 4 | Blerim Mazreku | 11 pikë | 4 kërcime | 2 asistime |
| 5 | Edmond Azemi | 7 pikë | 5 kërcime | 3 asistime |
| 6 | Gary McGhee | 4 pikë | 7 kërcime | |
| 7 | Muhamed Hasani | 3 pikë | 2 asistime |
Statistikat individuale te Mornar
| 1 | Nikola Korac | 29 pikë | 7 kërcime | 7 asistime |
| 2 | Monty Wilson | 22 pikë | 4 kërcime | |
| 3 | Samuel Colman | 14 pikë | 10 kërcime | 1 asistim |
| 4 | Ivan Jelenic | 12 pikë | 4 asistime | 2 kërcime |
| 5 | Radoje Vujosevic | 11 pikë | 6 kërcime | 4 asistime |
| 6 | Milija Mikovic | 11 pikë | 3 kërcime | 3 asistime |
| 7 | Miroslav Damjanovic | 3 pikë | ||
| 8 | Milan Latkovic | 2 pikë | 4 kërcime | 1 asistim |
