Berisha sjell miliona

Krahu këmbëshpejtë i Skënderbeut, Bernard Berisha, ka konfirmuar se mund të largohet në janar nga ekipi, pasi që ka shumë oferta nga Europa. 

Berisha, i cili ka qenë pjesë e ekipit korçar në fitoren historike ndaj Sportingut pas ndeshjes në bisedë me TVSH-në ka thënë se janari do të jetë vendimtar për të. 

“I kam lënë në dorë këtë gjë kreut të klubit Ardian Takaj dhe menaxherit tim. Nëse ata mendojnë se Skënderbeu duhet të përfitojë nga unë, do të shkoja, ngase edhe kam qejf të provojë veten në një ekip të madh europian,” ka thënë ai. 

Çmimi i Berishës është vënë si minimum 1 milionë euro nga Skënderbeu, ndërsa futbollisti pejan ndër të tjera ka konfirmuar se është ftuar edhe për ndeshje ndaj Shqipërisë nga përzgjedhësi i Kosovës, Albert Bunjaki. 

Afro 50 skautë nga klube të ndryshme europiane kanë qenë prezent sonte në Elbasan Arena për t’i vëzhguar nga afër lojtarët e Skënderbeut, me theks të veçantë te Bernard Berisha, pastaj edhe Bakary Nimaga e Leonit Abazi.