Bernard Berisha: Pas përvojës, rezultati

Mesfushori këmbëshpejt i reprezentacionit të Kosovës, Bernard Berisha, ka thënë se Kosova gradualisht po e arrin përvojën e duhur dhe tash e tutje mund të shpresojë në rezultat.

Shiko: TABELAT DREJT RUSIA 2018

“Ngadalë ne po arrijmë përvojën e duhur. Në këtë ndeshje që mendoj se do të jetë mjaft e fortë dhe vështirë hyjmë për rezultat pozitiv,” ka thënë Berisha.

Bernard Berisha do të mbahet në mend si njeriu që nxorri penalltinë e parë të Kosovës në kualifikime, kur u faulua në zonë pas një depërtimi ndaj Finlandës, prej nga rrodhi goli i parë i Kosovës përmes Valon Berishës.

Kosova të dielën luan ndaj Turqisë në kualifikuese për Botërorin Rusia 2018. Ndeshjen e shkuar, Turqia e mposhti Kosovën 2-0.