MEDIA
Besnik Hasi: Trajner i Kosovës? Me kënaqësi
26 April, 2020 @22:30
Ish kapiteni i kombëtares shqiptare Besnik Hasi, në një intervistë te Sporti total ka bërë të ditur se me kënaqësi do të drejtonte reprezentacionin e Kosovës.
Ai ka thënë fillimisht se Kosova po udhëhiqet shumë mirë nga trajneri aktual i saj, ndërsa ndër të tjera ka bërë të ditur se ka qenë afër të merr drejtimin e kombëtares shqiptare.
Kurse, kur u pyet për Kosovën, ai tha qartë:
“Me kënaqësi do ta pranoja.”
Gjakovari 48 vjeç Hasi bëri emër si trajner te Anderlechti, duke i bërë kampionë ata, ndërsa pas tyre drejtoi edhe Legian, Olympiacosin dhe tash Al-Raedin.