NDESHJA E FUNDIT PARAKUALIFIKUESE
Foto: fiba.basketball
Biletat për Kosova-Rumania
Teksti: FBK
14 February, 2019 @14:48
Federata e Basketbollit të Kosovës (FBK) njofton opinionin sportdashës së biletat për ndeshjen Kosova – Rumania që do të zhvillohet më 24 shkurt në Prishtinë do të dalin në shitje më 23 shkurt.
Çmimi i biletave do të jetë 2 Euro, ndërsa për bileta VIP do të jetë 10 Euro.
Dueli Kosovë-Rumani i takon Grupit B të parakualifikimeve për Eurobasket 2021.
Ndeshja do të zhvillohet më 24 shkurt duke filluar nga ora 20:30 në Pallatin e Rinisë dhe Sporteve në Prishtinë.
Biletat do të shiten para Pallatit të Rinisë dhe Sporteve në Prishtinë tek obelisku “NEWBORN”.
Për orën e saktë të shitjes së biletave më 23 dhe 24 shkurt, FBK do të njoftoj opinionin gjatë javës së ardhshme.
