Hajrizi, Grapci, Azemi… risitë e Mulaomerovicit

Në ndeshjen e fundit parakualifikuese për Eurobasket 2021, Damir Mulaomerovic ka futur disa risi në listën e Kosovës.

Për herë të parë në këto kualifikime janë ftuar basketbollistë, që më parë as nuk kanë bërë pjesë në listën e gjërë të reprezentacionit.

Drilon Hajrizi (i rikthyer nga lëndimi dhe ish i suspenduar nga reprezentacioni në kohën e trajnerit Brad Greenberg), Rron Grapci, Besnik Azemi, Arian Qallaku, Samir Zekiqi, Malcolm Armstead dhe Edmond Azemi, që kishte hequr dorë nga reprezantacioni më parë.

Kosova në këto parakualifikime është eliminuar, dhe do të ketë një mundësi të re parakualifikuese për Eurobasket 2021 këtë verë, kur do t’i kuptojë kundërshtarët në fund të këtij muaji.

Nuk janë ftuar nga të mëparshmit: Gëzim Morina, Andi Shehu, Alban Veseli, Altin Morina, Mirza Ahmetbasic, Ergin Grosha, Muhamedali Janjeva dhe Rron Ukaj.

TABELA AKTUALE E GRUPIT PARAKUALIFIKUES dhe ORARI I NDESHJEVE

Kosova nuk ka shënuar asnjë fitore në Grupin C parakualifikues për Eurobasket 2021 nën drejtimin e trajnerit Mulaomerovic.

Ekipi është mposhtur dy herë nga Maqedonia dhe një herë nga Rumania, për të zhvilluar ndeshjen e fundit grupore, pa gjasa kualifikimi në Prishtinë, ndaj Rumanisë më 24 shkurt 2019 me fillim nga ora 20:30.

Lista e gjërë e trajnerit Damir Mulaomerovic për ndeshje të Kosovës ndaj Rumanisë është si mëposhtë:

Dardan Berisha (Prishtina), Lis Shoshi (Maccabi Ashdod), Leonard Mekaj (Ylli), Valon Bunjaku (Prishtina), Malcolm Armstead (Kymis), Mikaile Tmusic (Prishtina), Meriton Ismaili (Prishtina), Arian Qallaku (Rahoveci), Erjon Kastrati (Olimpija), Samir Zekiqi (Trepça), Rron Grapci (Rahoveci), Drilon Hajrizi (Bashkimi), Besnik Azemi (Trepça) dhe Fisnik Rugova (Prishtina).

Tre nga këta lojtarë do të bien nga kombinimi para ndeshjes, pasi që lejohet që të regjistrohen 12 lojtarë për ndeshje.

Më së shumti lojtarë reprezentacionit në këtë ftesë i ka dhënë Prishtina, 5; Pastaj vinë Rahoveci dhe Trepça me nga 2, ndërsa skuadrat tjera i kanë nga një.

Rumania ka shpallur listën për ndeshjet e saja ndaj Maqedonisë dhe Kosovës gati një muaj më parë.