Bleron Krasniqi i sjell fitoren Kosovës U21 ndaj Izraelit U21

Me dy gola të shpejt në pjesë të parë të ndeshjes, futbollisti i ri i Schalkes dhe i Kosovës U21, Bleron Krasniqi ka siguruar fitoren për nxënësit e Afrim Tovërlanit, në kuadër të kualifikimeve për EURO 2025.

Kosova U21 fitoi Izraelin U21 në përballjen e posa përfunduar në “Zahir Pajaziti” të Podujevës 3-1 [Bleron Krasniqi 6’, 10’, Veton Tusha 80’ - Nachmani 24’]. Me këtë fitore Kosova U21 ka dalë në vend të tretë të Grupit D, ndërsa ka 8 pikë nga gjashtë ndeshje, kurse kjo ka qenë fitorja e dytë e shpresave dardane.

TABELA AKTUALE, U21:

GRUPI D:

1. Polonia 4 ndeshje - 12 pikë
2. Gjermania 3, 9p.
3. Kosova 6, 8p.
4. Bullgaria 5, 6p.
5. Estonia 5, 1p.
6. Izraeli 3, 0p.