PËRFORCIMET E BASHKIMIT
Bridgeman më i miri i ndeshjes Bashkimi - Lipjani
27 September, 2019 @21:24
Amerikani Terik Bridgeman, në debutimin e tij me skuadrën prizrenase, Bashkimi, ishte më i miri në parket.
Bridgeman në ndeshjen e parë të tij me Bashkimin, luajti me double-double prej 26 pikëve, 12 kërcimeve, derisa në statistikat personale i regjistroi edhe 5 asistime, 2 topa të rrëmbyer dhe 1 bllokadë.
Terik gjatë ndeshjes luajti me 71% nga gjuajtjet për dy pikë dhe 60% nga gjuatja e lirë.
Përveç Terik Bridgemanit, te Bashkimi debutuan edhe dy përforcimet e reja Corey Raley Ross dhe Musab Mala.
Raley Ross luajti me 15 pikë, 4 kërcime e 2 asistime, kurse Musab Mala ishte shumë afër shifrave triple-double. Ai luajti me 13 pikë, 13 asistime e 9 kërcime.