ILLMEN BAJRA
Ekipi është stabil
26 September, 2019 @16:16
Një nga skuadrat më me traditë në basketbollin e Kosovës, Bashkimi, është gati për sezonin e ri, ndërsa trajneri i ri i ekipit, Illmen Bajra është prononcuar për FBK-në para ndeshjes hapëse të stniorit.
Ai pret një edicion të mirë me prizrenasit.
“Përgatitjet kanë shkuar shumë mirë, edhe pse nuk jemi kompletuar me lojtarë, megjithatë deri më tani kanë shkuar sipas planit dhe jemi gati për edicionin e ri. Bashkimi synon që të jetë sa më lartë në tabelë dhe të jetë një ekip stabil, siç ka qenë gjithmonë. Shpresoj se do të tregojmë lojëra të mira dhe tifozët të jenë të kënaqur me skuadrën tonë”, është shprehur Bajra për faqen zyrtare të FBK-së.
Bashkimi ndeshjen e parë në edicionin e ri do ta ketë të premten ndaj Lipjanit nga ora 19:00, përballje që zhvillohet në Gjakovë, sepse palestra në Prizren është e zënë.