ORGANIZATORI I RAHOVECIT
Pas lëndimit, Mekaj duhet të operohet
25 September, 2019 @14:09
Playmakeri i reprezentacionit të Kosovës dhe KB Rahovecit, Leonard Mekaj, pas lëndimit që e pësoi në ndeshjen e Superkupës mbrëmë ndaj Prishtinës, do të duhet të operohet.
Në një prononcim të tij, pas lëndimit, për faqen zyrtare të FBK-së ai ka thënë se dot ë duhet të operohet dhe kthimi i tij në palestër do të varet nga faza e rehabilitimit.
“Mjekët e kanë konstatuar se kam pësuar frakturë të dyfishtë. Duhet t’i nënshtrohem operimit dhe më pas të kthehem në parket. Ende nuk e di saktë se kur do të jem në gjendje të luaj, pasi fillimisht varet nga operimi dhe më pas faza rehabilituese. I falënderoj të gjithë për përkrahjen që më kanë dhënë”, ka thënë Mekaj për faqen e FBK-së.
Rahoveci, që këtë stinor po drejtohet nga strategu kroat Neven Plantak, do të debutojë në gara ndërkombëtare me pjesëmarrje në FIBA Europe Cup, ndërsa mbrëmë ka humbur duelin e parë zyrtar, duke u mposhtur nga Prishtina në duelin e vlefshëm për Superkupë të Kosovës, 91-73.